Yangiliklar

“Sog‘ayishdan farovonlik sari” II xalqaro bolalar saratoni kongressi

“Sog‘ayishdan farovonlik sari” II xalqaro bolalar saratoni kongressi" Hurmatli hamkasblar! Sizlarni 2026-yil 21–22-oktabr kunlari Samarqand shahrida bo‘lib o‘tadigan “Sog‘ayishdan farovonlik sari” II xalqaro bolalar saratoni kongressida ishtirok etishga taklif qilamiz. Kongress “Bolalar farovonligiga investitsiyalar: kelajak avlodlarning barqaror va adolatli rivojlanishi sari yo‘l” Butunjahon sammiti doirasida tashkil etiladi. Tadbirning asosiy maqsadi — bolalar onkologiyasi va gematologiyasi sohasida faoliyat yuritayotgan mutaxassislar o‘rtasida dolzarb bilimlar va amaliy tajriba almashinuvini ta’minlash, xalqaro hamkorlikni mustahkamlash hamda sog‘liqni saqlash sohasidagi yangi tashabbuslarni rivojlantirish. Kongress tashkilotchilari: O‘zbekiston Respublikasi Sog‘liqni saqlash vazirligi; Bolalar onkologiyasi, gematologiyasi va immunologiyasi ilmiy-amaliy tibbiyot markazi; Bolalar saratoni bo‘yicha Xalqaro akademik HUB. Kongressning asosiy ilmiy yo‘nalishlari: jamoat salomatligi, sog‘liqni saqlashni tashkil etish va boshqarish, xalqaro hamkorlik; bolalar onkologiyasi va onkogematologiyasi; gemopoetik ildiz hujayralari transplantatsiyasi; molekulyar diagnostika va shaxsiylashtirilgan tibbiyot; qo‘llab-quvvatlovchi terapiya, reabilitatsiya va hayot sifati; infeksion nazorat, nutritiv va psixoijtimoiy yordam hamda palliativ tibbiyot. Kongress xalqaro sheriklikni mustahkamlash, ilg‘or ilmiy va klinik tajribalarni birlashtirish hamda har bir bolaning sog‘lom va himoyalangan muhitda ulg‘ayishi uchun sa’y-harakatlarni birlashtiradigan muhim maydonga aylanadi. Sammit va ro‘yxatdan o‘tish tartibi haqida batafsil ma’lumot Tashkiliy qo‘mita bilan bog‘lanish: Mas’ul shaxslar: Gimush I.R., Amangeldiyeva L.M. Telefonlar: +998 90 097 45 09; +998 90 805 23 87 Elektron pochta: Science@bolalaronko.uz

markazimiz huzuridagi 06/2025.27.12.Tib.06.01 raqamli Ilmiy kengash yig‘ilishi bo‘lib o‘tadi.

Ilmiy kengash yig‘ilishi bo‘lib o‘tadi Bolalar onkologiyasi, gematologiyasi va immunologiyasi ilmiy-amaliy tibbiyot markazi nomidan ma’lum qilamiz: 2026-yil 28-aprel kuni soat 14:00 da markazimiz huzuridagi 06/2025.27.12.Tib.06.01 raqamli Ilmiy kengash yig‘ilishi bo‘lib o‘tadi. Kun tartibi: 1. Dissertatsiya himoyasi ‍ ️ Ibragimova Dilorom Abdulazizovna “Teri melanomasining kliniko-epidemiologik xususiyatlarini o‘rganish va diagnostikasini takomillashtirish” mavzusidagi dissertatsiya ishini tibbiyot fanlari bo‘yicha falsafa doktori (PhD) ilmiy darajasini olish uchun, 14.00.14 – “Onkologiya” ixtisosligi bo‘yicha himoya qiladi. 2. Dissertatsiya himoyasi ‍ ️ Tagaev Jasur Abdisamatovich “Melanoma va terining melanotsitar hosilalarini diagnostika qilish hamda differensial diagnostikasiga konseptual yondashuv” mavzusidagi dissertatsiya ishini tibbiyot fanlari bo‘yicha falsafa doktori (PhD) ilmiy darajasini olish uchun, 14.00.14 – “Onkologiya” ixtisosligi bo‘yicha himoya qiladi. Mazkur yig‘ilish ilmiy tadqiqotlar natijalarini muhokama qilish, zamonaviy yondashuvlarni tahlil etish hamda onkologiya sohasida ilmiy salohiyatni yanada rivojlantirishga xizmat qiladi. Barcha qiziquvchi mutaxassislar va ilmiy jamoatchilik vakillarini ushbu ilmiy jarayonda ishtirok etishga taklif etamiz.

Markazimiz direktori — TOP 10 Yil Olimi!

O‘zbekiston g‘alabani nishonlamoqda: SIOP Asia 2027 mamlakatimizda o‘tkaziladi!

Dana-Farber Cancer Institute O‘zbekistonda

Dana-Farber Cancer Institute O‘zbekistonda Bolalarda onkologik kasalliklarga qarshi kurashda xalqaro hamkorlik sari muhim qadam Ertaga, 2025-yil 15-avgust kuni soat 10:00–13:00 , Bolalar onkologiyasi, gematologiyasi va klinik immunologiyasi ilmiy-amaliy tibbiyot markazida “Bolalarda saraton kasalligini erta tashxislash va palliativ yordam ko‘rsatish” mavzusida xalqaro seminar bo‘lib o‘tadi. Seminarda Dana-Farber Cancer Institute (AQSh) mutaxassislari ishtirok etadi: Timothy R. Rebbeck, PhD David Read, MPH Leslie E. Lehmann, MD Jaime Mchunu, MA Jill E. Stopfer, MS, CGC Selvin Marroquin, MPH ZOOM orqali onlayn ishtirok etish: Zoom havola Ishtirokchilarni ro‘yxatdan o‘tkazish : Formani to‘ldirish Seminar ishtirokchilarining barchasiga sertifikat beriladi.

Bolalar onkologiyasi, gematologiyasi va immunologiyasi ilmiy-amaliy tibbiyot markazidagi DSc.04/07.06.2024.Tib.177.01 raqamli Ilmiy Kengashning ilmiy darajalarni berish bo‘yicha majlisi.

2025-yil 14-iyul kuni soat 14:00 da Bolalar onkologiyasi, gematologiyasi va immunologiyasi ilmiy-amaliy tibbiyot markazidagi DSc.04/07.06.2024.Tib.177.01 raqamli Ilmiy Kengash majlisi bo‘lib o‘tadi. KUN TARTIBI Toshkent davlat stomatologiya instituti onkologiya va tibbiy radiologiya kafedrasi mustaqil izlanuvchisi Yunusova Lalita Rinatovnaning «COVID-19 ni boshdan kechirgan bemorlarning yuzning o‘rta sohasi asoratlarini KT va MRT yordamida diagnostika qilish» mavzusidagi dissertatsiyasi 14.00.19 – «Klinik radiologiya», 14.00.17 – «Farmakologiya, klinik farmakologiya» ixtisosliklari bo‘yicha tibbiyot fanlari doktori (DSc) ilmiy darajasini olish uchun taqdim etilgan himoyasi. Ilmiy maslahatchilar: Xojibekova Yulduz Maratovna, tibbiyot fanlari doktori, dotsent Abdashimov Zafar Baxtiyorovich, tibbiyot fanlari doktori, dotsent Rasmiy opponentlar: Abyazov Otabek Vahobovich, tibbiyot fanlari doktori, professor Hamidov Obid Abdurahmonovich, tibbiyot fanlari doktori, professor Pulatova Nargiza Ixsanovna, tibbiyot fanlari doktori Yetakchi tashkilot: Toshkent davlat stomatologiya instituti